Brand new o 2nd hand?

2nd hand o brand new?
Photos: from the web
Edited by: GMZamora

Brand new o second hand?

Matagal-tagal na rin naman kaming ng cha-chat ng mahal kong asawa about buying our dream car (maka-dream car naman ako di ba?). Nalalapit na kasi ang paguwe niya mula sa tatlong taong pagtatrabaho sa abroad. 

We been talking about this things for a long time na nga, nagsasawa na rin akong maghanap ng options, options at options. Nagsawa na rin si google sa pag-search para sa akin.At first, we are so focused in buying a 2nd hand car dahil hindi naman kalakihan ang ipon namin. Nais lang naman namin na magkaroon ng sariling sasakyan na kung magkakataon ay kauna-unahang bagay na maipupundar namin dalawa bilang mag-asawa. Lakasan lang loob yan sabi pa namin sa isa't-isa.

Ngunit tulad ng isang relasyon, habang dumarami ang nakakaalam, dumarami ang nakikialam sa aming plano (nabasa ko lang ito sa news-feed ng friend ko sa fb..haha). Hey you..oo, ikaw nga! Don't take it negatively, dahil napakalaking tulong ng payo mo at nagpapasalamat kami sa iyo ngayun pa lang. 

Ang sasakyan ay itinuturing na status symbol. Ang bilang ng gulong ng sasakyan na pag-aari ng isang tao ay makakapagsabi ng katayuan mo sa lipunan. At dahil dakilang commuter lang ako (sa ngayon), alam mo na kung saan ako nabibilang. 

Nabanggit ko lang naman yan para sa susunod kong punto. Nais namin bumili ng sasakyan bilang personal na gamit ng lumalaki naming pamilya, at service para sa pinapangarap na negosyo sa paguwe niya. Nais rin namin na mag-joyride kasama ang mga mahal naming anak para kahit papaano ay mapunan ang tatlong taong tiniis namin habang hindi namin siya nakakasama. Kaya ano nga ba talaga ang dapat, brand new o 2nd hand? 

Ang sabi sa artikulong nabasa ko sa web,"Used cars can be a good way to go. But to apply a broad rule that "used is the best" is idiotic. While used cars are a good purchase for some people, new cars are great choice for other." 

Karamihan sa mga payo sa akin ng mga taong nakaalam na nais kong bumili ng sasakyan ay, "Mag-brand new ka na lang, sakit sa ulo yan. Pati sira kasi kasama sa bibilin mo." 

Ngunit sa tuwing iisipin ko ang monthly payment ng brand new car na babayaran namin sa loob ng limang taon, napapaisip uli ako. Kaya ba namin? 

Sa business page ng Inquirer.net, may artikulong isinulat si Randell Tionsong, isang financial analyst, ang nakaagaw ng aking pansin. Ang sabi niya, "Should I buy brand new or second hand car?" Tanong na siya mismong nais kong hanapan ng kasagutan. 

Nagbigay si Tiongson na magandang halimbawa ng pagbili ng brand new at second hand cars, gumamit siya ng "real numbers" upang ipaliwanag ang kanyang punto. At ipinayo niya ang mga sumusunod: 

Una, kung cash mong bibilin ang kotse, 2nd hand ang bilin mo dahil higit na mas mura; 

Pangalawa, kung bibili ka tru "auto-loan facility", maaring brand new o 2nd hand ang bilin mo, ngunit para sa kanya mas pipiliin niya ay brand new sapagkat ayaw niyang "sumakit ang kanyang ulo" sa mga problemang kaakibat ng pagbili ng 2nd hand na sasakyan unless mayroong kang malaking ipon para sa maintenance nito (well wala naman kami non); 

Pangatlo, ang pagbili ng sasakyan ay hindi dapat nakabase lamang sa halaga at benepisyo nito. Kung ito ay magpapagaan ng buhay at makakatulong sa hanapbuhay at negosyo inirerekomda niya ang "brand new" sapagkat ito ay importanteng bagay (convinience and more income); at 

Panghuli, ang pinakamahalagang dapat isipin ay ang "budget". Kung bibili ka ng sasakyan at magiging dahilan ito ng iyong kakulangan sa pagsustento sa pangunahing pangangailangan ng inyong pamilya tulad ng pagkain, pag-aaral ng mga anak, pambili ng gatas (para sa amin) at iba pa, mariing ipanapayo ni Tiongson na ipagpaliban muna ang pagbili ng brand new o 2nd hand "dream car" hanggang sa magkaroon ka na ng sapat na pangtustos sa iyong mga pangangailangan. 

Wheewwwwwwwwww! So ano nga ba, brand new, 2nd hand o huwag na lang muna? 

Well, may limang buwan pa kami para pag-isipan ng mabuti ang lahat.Ikaw may plano ka rin ba? Ano sa tingin mo ang nais mo brand new, 2nd hand o huwag na lang muna?   

We want to here from you, dahil ang suhestiyon mo ay mahalaga. 

P.S. Dream car kasi ang nais naming mag-asawa, nangangarap na lang nga di ba, baka puwede namang brand new na! haha 

Reference: business.inquirer.net
           iwillteachyoutoberich.com

Open Letter

Dear you, 

Alam kong maraming pagkakataon na naiinis ka sa akin, dahil insensitive ako, selfish, mayabang, feeling maganda, feeling matalino o hindi kaya'y may nagawa akong mga bagay na hindi mo nagustuhan. Maaaring nasaktan kita dahil nasaktan ko ang pride mo...o hindi kaya'y hindi ko napahalagahan ang mga taong mahalaga sa iyo. 

Pasensya na ha..alin man ang dahilan hindi ko sinasadyang inisin o galitin ka. Baka nga isa ka pa sa mga taong nais kong lapitan, maka-close pero sadyang hindi ko lang alam kung paano. 

Madalas kasing tahimik lang ako. Nagoobserba, nagiisip. Hindi rin naman ako pakialamera kaya ayoko ding pinakikialaman ng iba. Masaya kasi ako na ako ang nagdedesisyon sa buhay ko. Masaya ako kapag pakiramdam ko malaya ako. Parang noong estudyante pa lang ako...isang notebook at ballpen lang ang kasama ko ayos na. Doon kasi malaya kong naisusulat ang nasa puso at isipan ko na walang nakikialam, walang nanghuhusga. 

Tamad ako? Oo aminado naman ako lalo na sa mga gawaing bahay, wala nga akong masyadong alam don hindi ba. Minsan nga narinig ko ang nanay ko, "isoli mo sa akin ang anak ko kapag ayaw nyo na sa kanya dahil tamad siya." Sa trabaho kadalasan inaantok ako, sadyang antukin naman kasi talaga ako, pero handa ko naman tapusin ang mga dapat tapusin at simulan ang dapat simulan. Huwag kang mag-alala sisikapin kong maging masipag para sa sarili ko, sa mga anak ko, sa pamilya ko, hala sige na nga, para na rin sa iyo. 

Madamot ako? Hindi naman talaga ako madamot, pinahahalagahan ko lang ang mayroon ako. Ganoon ata talaga kapag na-deprive ka sa mga bagay na nais mo noong panahong wala pang pambili ang pamilya mo. Hindi ako madamot, mapagpahalaga ako sa mga gamit ko. Masinop ako sasarili kong paraan (dahil hindi nman maayos ang mga gamit sa bahay man o sa opisina). Ayokong ginagamit ng iba ang gamit ko lalo na at hindi pinagpaalam, pero handa naman kitang pahiramin ng kahit ano, basta pagpaalam mo. Ito ata ang naituro sa akin ng ilang taong pagtira sa dormitoryo at boarding house, ang akin ay akin at ang sa iyo ay iyo. 

Hindi ako sweet? Sweet ako, tanong mo pa sa asawa ko. Hindi nga lang ako "showy" kaya siguro hindi mo nakikita. Sa ibang tao? Well, sweet naman ako sa paraang alam ko na maaaring hindi para sa iyo. 

Mapagkimkim ako ng sama ng loob? Ano ka ba...paano mong nalaman? Nababasa mo ba ang nasa loob ko? Hindi ako nagkikim ng sama ng loob, kadalasan nga pagnakatulog ako, paggising wala na. Kaya kung may samaan tayo ng loob noon at hindi natin napagusapan, malamang nakatulog na ako at paggising ko iba na ang naramdaman ko.

Ang gusto ko lang naman maging ayos tayo, kahit hindi close, basta totoo ka kapag kaharap kita at lalo na kapag nakatalikod ka. At sana lagi mo tatandaan people hated me for three reasons:

1. they hate themselves
2. they want to be me; and 
3. they see me as a threat. 

Sino ka ba sa tatlong yan? 

Kahit ano pa ang sagot mo..peace na tayo, oo mahal kita at nais kitang maging kaibigan! :) 



Nagmamahal, 

Gladys May